بوومەلەرزەیەك لە توركیا ڕوویدا

سەرۆکایەتیی ئیدارەدانی کارەسات و باری لەناکاوی تورکیا (AFAD) ئاماژە بەوە دەدات، بوومەلەرزەیەك لە دەریای ئیجە ڕووی دا.

سەرۆکایەتیی ئیدارەدانی کارەسات و باری لەناکاوی تورکیا (AFAD) بڵاوی كردەوە، بەیانیی ئەمڕۆ چوارشەممە 15/5/2024، بوومەلەرزەیەك بە گوڕی 4.5 پلە بە پێوەری ڕێختەر و لە قووڵایی حەوت كیلۆمەتر، لە دەریای ئیجە لە سنووری پارێزگای (ئیزمیر)ی توركیا ڕووی دا.

ڕۆژی 6/2/2023، زنجیرەیەك بوومەلەرزەی بەهێز و وێرانكەر لە توركیا و باكووری كوردستان ڕوویان دا، كە بەهۆیەوە 53 هەزار و 537 كەس گیانیان لەدەست دا، 107 هەزار كەسیش بریندار بوون.