ڕاگەیاندنی نوقمبوونی کەشتیی بەریتانی ڕوبیمار کە لەلایەن گروپی حوسییەکانەوە کرایە ئامانج لە دەریای سوور، دوو هەفتە لەمەوبەرنیگەرانییەکی زۆری بەدوای خۆیدا هێنا بەهۆی کاردانەوەی کارەساتبار و وێرانکەری لەسەر ژیانی دەریایی و کۆمەڵگاکانی یەمەن و ناوچەکەو ئەو وڵاتانەی هاوسنوورن لەگەڵ دەریای سوور.
ڕۆژی 18ی شوبات، بە دووری 18 میل لە بەندەری المخا، لە ڕۆژئاوای یەمەن، کەشتی بارهەڵگری “روبیمار” کە درێژییەکەی 171 مەتر وپانییەکەی 27 مەترە ، لە دوو هێرشی چەکدارانی حوسی، کە بووە هۆی ئەوەی زیانێکی زۆری پێ بگات و بەشێکی نوقم بێت لەکاتیهەڵگرتنی ٢٢ هەزار تۆن پێوانەی ژەهراوی و ماددە کیمیاییە مەترسیدارەکان و ١٢٠ تۆن گازۆیل و سووتەمەنی گازۆیل دواتر بووە هۆیڕژانی نەوت بە درێژایی ١٨ میل كە دەکاتە نزیکەی ٢٩ کم.
ڕێکخراوی ژینگەپارێزی جیهانی گرینپیس هۆشداری دا لە مەترسیی کارەساتی ژینگەیی لە دەریای سوور، دوای پشتڕاستکردنەوەیڕاپۆرتەکانی نوقمبوونی کەشتیی “روبیمار“ی بەریتانی کە مادەی مەترسیداری هەڵگرتووە و داوای کرد ڕێوشوێنی بەپەلە بگیرێتەبەر بۆڕزگارکردن و کۆنتڕۆڵکردنی کەشتیەکە.
ڕێکخراوەکە کە بنکەکەی لە هۆڵەندایە لە بەیاننامەیەکدا ڕایگەیاندووە، ئەو کەشتییە کە زیاتر لە 41 هەزار تۆن پێوانەی هەڵگرتووە، مەترسیڕاستەوخۆ بۆ سەر ئیکۆسیستەمی دەریایی لە ناوچەکە دروست دەکات.
لە بەیاننامەکەدا ئاماژە بەوە کراوە: ئەم دۆخە ڕەنگە بگۆڕێت بۆ قەیرانێکی ژینگەیی کارەساتبار، ئەگەر ماددە ژەهراویەکان دزە بکەنە ناودەریای سوور، ئەمە دەبێتە هۆی ناهاوسەنگی لە ئیکۆسیستەمی دەریایی، و بەم شێوەیەش دەرکەوتنی کاردانەوەی زیاتری شلەمەنی کە لەبەرامبەردا کاریگەری لەسەر زنجیرە خۆراکییەکان دەبێت.