ئاژانسی هەواڵی زاگرۆس

مەزارگەی سەیدە زەینەب لە سووریا دانەخراوە

بەڕێوەبەرایەتیی مەزارگەی سەیدە زەینەب کە یەکێک لە شوێنە پیرۆزەکانی شیعە لە سووریایه، لە بەیاننامەیەکدا ڕایگەیاند، بەهۆی ڕووداوەکانی ئەم دواییەوە مەزارگەکە دانەخراوە و لەلایەن دەستەی تەحریرلشامەوە دەپارێزرێت و زیارەتکارانیش بە شێوەی ئاسایی سەردانی مەزارگەکە دەکەن و ڕێگە بە هیچ کەسیش نادرێت بە چەکەوە بچێتە نێو مەزارگەکە.
لەم بەیاننامەیەدا هاتووە، هەر هەنگاو و دروشمێک ببێتە هۆی دووبەرەکی و گرژیی نێوان پێکهاتە جیاوازەکانی سووریا لەلایەن دەسەڵاتی نوێی ئەم وڵاتەوە قەدەغە کراوە و بکەرانی ڕووبەڕووی یاسا دەکرێنەوە.
باڵیۆزی ئێران لە سووریاش لە چاوپێکەوتنێکی تەلەڤزیۆنیدا پاراستنی مەزارگەکانی لەلایەن دەسەڵاتی نوێی سووریاوە پشت‌ڕاست کردووەتەوە.
لە چەند ساڵی ڕابردوودا سوپای پاسدارانی ئێران و گرووپە چەکدارە شیعەکانی ئەفغانستان و پاکستان بە ناوەکانی فاتمیون و زەینەبیون لەژێر فەرمانی فەیلەقی قودسی سوپای پاسداراندا بە ناوی پارێزگاری لە شوێنە پیرۆزەکان لە سووریا بوون.

هەواڵی پەیوەندیدار

سەرۆک بارزانی پێشوازی لە لیژنەی دارایی ئەنجوومەنی نوێنەرانی عێراق دەکات

یاسین

پرسەنامەیەک لە سەرۆکی حکومەتی هەرێمی کوردستانەوە

یاسین

مەجلیسی ئێران لە تاووتوێکردنی بەربژێرانی کابینەی پزیشکیان بەردەوامە

یاسین