کۆمەڵیە گشتیی نەتەوە یەگرتووەکان بڕیانامەیەکی نوێ دژی پێشێلکردنی مافی مرۆڤ لە ئێران پەسند کرد
ئەم بڕیارنامەیە ڕۆژی سێشەممە بە ٨٠ دەنگی بەڵێ، ٢٧ دەنگی دژ و ٦٨ دەنگی بێلایەنی وڵاتانی ئەندامی کۆمەڵەی گشتیی نەتەوە یەکگرتووەکان پەسند کرد.
بێجگە لە ئێران، وڵاتانی چین، ڕووسیا، ئەرمینیا، عێراق، عومان، پاکستان و بەشێک لە وڵاتانی ئەفریقایی و ئەمریکای باشوور بە نەخێر دەنگیان بە بڕیارنامەکە دا و وڵاتانی ڕۆژئاواییش پشتیوانییان لە پەسندکردنی کرد.
لە بڕیارنامەکەدا داوا لە کۆماری ئیسلامیی ئێران کراوە کۆتایی بە ئازاردانی دژبەرانی سیاسی و پێکهاتە نەتەوەیی و ئایینییەکان و دەستبەسەرکردنی هەڕەمەکییان بێنێت و بەخێرایی ئەو کەسانە ئازاد بکات کە بەپێی یاسا نێودەوڵەتییەکان بە شێوەی هەڕەمەکی و نایاسایی دەستبەسەر کراون.
