کریس ڕایت، وەزیری وزەی ئەمریکا ڕایگەیاند، هێزە دەریاییەکانیان لە ئێستادا ئامادە نین بۆ هاوڕێییکردن و پاراستنی نەوتکێشەکان لە گەرووی هورمز. ڕایت ئاماژەی بەوە کرد، تەواوی توانای سەربازیی ئەمریکا لەم قۆناغەدا تەرخان کراوە بۆ لێدان لە توانای هێرشبەری و پیشەسازیی سەربازیی ئێران. ئەم لێدوانە دوای ئەوە هات کە هەواڵێکی هەڵە لەبارەی هاوڕێییکردنی نەوتکێشەکان بڵاو بووەوە و بووە هۆی ناجێگیری لە نرخی نەوت لە بازاڕە جیهانییەکاندا.