دوای سازکردنی پانێڵێکی زانستی سەبارەت بە گرنگی گژوگیا بەهارییەکان لە رووی زانستیەوە و پاراستنیان، بە بەشداریی زیاتر لە 100 جوتیار و کاسبکاری سنووری ئیدارەی سەربەخۆی سۆران یەکەمین فێستیڤاڵی گژوگیا بەهارییەکان لە ئیدارەی سۆران بەڕێوەچوو، کە تێیدا (رێواس، سۆریاس، کوارک، لووشە، پوونگ، نەعناع، بڕپێنە گەزەنگ، گیالۆک، ستریلک، خرنووک، ترشۆک، کەنگر، گۆرمز، تۆلکە، جاتر، دۆمبەلان، قورماس و بنبەردۆک) هەروەها چەندین گیای وشککراو و سەوزە و میوەی بەهارە و بەرهەمی ناوخۆیی دەڤەرەکە نمایشکران و بووە شوێنی بازاڕکردنی هاووڵاتییان.
