بۆکس ئۆفیسی باکووری ئەمریکا بەرهو تۆمارکردنی باشترین ئەنجامی ساڵانەی خۆی دەچێت لە دوای سەرهەڵدانی پەتای کۆرۆناوە، بەڵام ئامارەکان دەریانخستووە کە ئەم بووژانەوەیە لەسەر بنەمای گەڕانەوەی جەماوەر بە ژمارەی جاران نییە.
بەپێی داتاکان، زۆربەی داهاتەکە لە ڕێگەی بەرزبوونەوەی نرخی بلیتەکان و بەکارهێنانی خزمەتگوزارییە لۆکسەکان بەدەستهاتووە، هەروەها تەنیا ژمارەیەکی کەمی فیلمە گەورەکان سەرکەوتنی داراییان بەدەستهێناوە.
فیلمی “Spider-Man: Brand New Day” و فیلمی “The Odyssey” ڕیکۆردی نوێیان لە مێژووی سینەمادا تۆمارکرد و توانییان ئامادەبووان بۆ هۆڵەکان ڕابکێشن.
بەپێی ئامارەکانی ڕێنتراک، داهاتی بۆکس ئۆفیس تا 2ی ئاب گەیشتووەتە 6.2 ملیار دۆلار، بەمەش بەراورد بە ساڵی ڕابردوو 15% زیادی کردووە.
لەلایەکی دیکەوە، فرۆشتنی بلیت لە 2026دا گەیشتووەتە 470.9 ملیۆن بلیت، بەڵام بەراورد بە 2019 نزیکەی 37% کەمی کردووە.
کۆمپانیا سینەماییەکان بەردەوام وەبەرهێنان لە شەشەکانی ئایماکس و هۆڵە لۆکسەکان دەکەن بۆ ئەوەی بینەران تاقیکردنەوەیەکی تایبەت بەدەستبهێنن.
فیلمە سەربەخۆکانی وەک “Obsession” و “Project Hail Mary” سەرکەوتنی باشیان بەدەستهێناوە، ئەمەش نیشانەی ئامادەیی جەماوەرە بۆ سەیرکردنی بەرهەمی نوێ.