سەرچاوە ئەمنییە جیاوازەکان، ڕایانگەیاند کە فەرمانی سەرکردایەتییە باڵاکان دەرچووە بۆ بەرزکردنەوەی ئاستی ئامادەباشی لە ڕیزەکانی هێزە ئەمنی و سەربازییەکاندا لە تەواوی ناوچەکانی عێراق.
سەرچاوەکان بە “شەفەق نیوز”یان ڕاگەیاند، فەرمانەکان هەڵوەشاندنەوەی مۆڵەتی فەرماندە و ئەفسەران و هێشتنەوەیان لە بارودۆخی ئامادەباشیی تەواودا لەخۆ دەگرێت.
زیادیشیان کرد کە ئەم ڕێکارە خۆپارێزییانە هاوكاتن لەگەڵ کۆتاییهاتنی ئەو مۆڵەتەی گرووپە چەکدارەکان بۆ حکومەتی عێراقیان دیاری کردبوو تاوەکو هەڵوێست لە بەرامبەر سودیە وەربگرێت، سەرەڕای ئامادەکاری بۆ ئەنجامدانی ئۆپراسیۆنی نوێی دەستگیرکردن دژ بە تۆمەتبارانی دۆسیەکانی گەندەڵی.
بەپێی وتەی سەرچاوەکان، بەرزکردنەوەی ئاستی ئامادەباشی پەیوەندیی بەو بڕیارەشەوە هەیە کە هاوپەیمانیی ئیدارەی دەوڵەت وەریگرتووە دەربارەی کورتکردنەوەی چەک لە دەستی دامەزراوە فەرمییەکاندا و کۆتاییهێنان بە چالاکیی گرووپە چەکدارەکان تاوەکو ۳۰ی ئەیلوولی داهاتوو.
ڕووشیانهێنایەوە کە دەزگا ئەمنییەکان لە ئێستاوە دەستیان کردووە بە وەرتگرتنی تدابێری مەیدانی لەبەرچاوگرتنی هەر بارودۆخێکی نەخوازراو یان بەریەککەوتنێک کە لەوانەیە لە قۆناغی داهاتوودا ببێتە پێکدادانی چەکداری.
هاوپەیمانیی ئیدارەی دەوڵەت، ئێوارەی ڕۆژی چوارشەممە ڕایگەیاندبوو ئەو لایەنانەی ڕەفتارێک دەکەن کە هەڕەشە لە ئاسایشی وڵات دەکات لە دەرەوەی چوارچێوەی دامەزراوە فەرمییەکان «یاساشکێنن و دەبێت شەڕیان دژ بکرێت»، و ئاگاداریشی دا کە هەر چالاکییەکی چەکداری دوای ۳۰ی ئەیلوولی ۲۰۲۶ دەکەوێتە ژێر بڕگە و یاساکانی دژەتێرۆر.
گرووپێک کە خۆیان بە “بەرگریی عێراقی” دەناسێنن، لە ۲۹ی تەممووزی ڕابردوودا ڕایانگەیاندبوو کە مۆڵەتێک دەدەنە حکومەتی عێراق کە پێنجشەممە کۆتایی پێ دێت تاوەکو ڕێکار دژ بە سعودیە بگرێتە بەر، بەهۆی تۆمەتبارکردنی بە کردنەئامانجی بارەگاکانی سەر بە گرووپە چەکدارەکان، هەروەها هەڕەشەی وەڵامدانەوەیان کردبوو لە حالەتی نەبوونی هەڵوێست لەلایەن بەغداوە.