گۆرانیبێژی ئوسترالی سیا ڕێککەوتنێکی گەورەی لەگەڵ کۆمپانیای پۆپ هاوس واژۆ کرد، کە بەپێی ڕێککەوتنەکە 50%ی مافی گۆرانییەکانی بە بڕی 180 ملیۆن دۆلار فرۆشت.
ئەم ڕێککەوتنە مافی کۆمەڵێک لە بەناوبانگترین بەرهەمەکانی دەگرێتەوە، لەوانە “Chandelier” و “Titanium” و “Cheap Thrills”.
بەپێی بەڵگەنامە یاساییەکان، بەشێک لەم ڕێککەوتنە پەیوەستە بە یەکلاکردنەوەی دارایی جیابوونەوەی لە هاوسەری پێشووی دان بەرناد.
بەهای ئەو گۆرانییانەی سیا پێش هاوسەرگیری نووسیونی دەگاتە 165 ملیۆن دۆلار، کە دان بەرناد لە بەرامبەر وەرگرتنی 1 ملیۆن دۆلاردا دەستبەرداری مافەکانی بوو لەم بەشەدا.
بەشەکەی دیکەی ڕێککەوتنەکە کە بەهای 15 ملیۆن دۆلارە، پەیوەستە بەو گۆرانییانەی لە ماوەی هاوسەرگیرییاندا بەرهەمهێنراون و تا ئێستا دابەشکردنی کۆتایی لە هەژماری دەستەبەردا ڕاگیراوە.
سیا لە ئازاری 2025 داوای جیابوونەوەی پێشکەش کردبوو، هەروەها ڕەزامەندی داوە مانگانە 42500 دۆلار وەک خەرجی منداڵەکەیان بدات.