ئه‌ڤرۆ ڕۆژا چوارشه‌مبی ٧ێ چریا ئێكێ یا ٢٠٢٦ێ ب ڕاسپاردێن به‌ڕێز “د.عه‌لی ته‌ته‌ر” پارێزگارێ دهوكێ و ب سه‌رپه‌رشتیا به‌ڕێز”ماجد سه‌ید سالح”جێگرێ پارێزگارێ دهوكێ و ب ئاماده‌بونا به‌ڕێزان” بریندار”حه‌یده‌ر”ده‌ڤه‌ردارێ دهوكێ و “د.هه‌ڤال سه‌دیق”ڕێڤه‌به‌رێ گشتییێ وه‌به‌رهێنانێ و هژماره‌كا ڕێڤه‌به‌رێن داموده‌زگاییێن جودا,لدور خواست و گازنده‌ییێن وه‌لاتیان لسه‌ر پڕۆژه‌یێن یه‌كێن ئاكنجیبونێ و باشتركرنا خزمه‌تگوزارییان كۆمبۆنه‌ك هاته ئه‌نجامدان.
د كۆمبۆنێدا لایه‌نێن به‌شدار به‌حس ل دابینكرنا خزمه‌تگوزارییێن گشتی ب شێوه‌كێ باشتر و هه‌ماهه‌نگییا ئیدارێن ڕێڤه‌به‌رییێن په‌یوه‌ندیدار دگه‌ل وه‌به‌رهێنه‌ران هاته‌كرن پاش لژنه‌یه‌كا تایبه‌ت یا چاڤدێری و پێداچونێ ب مه‌ره‌ما باشتركرنا خزمه‌تا وه‌لاتییێن د پڕۆژێن یه‌كێن ئاكنجیبونێ دا ئاكنجی هاته پێكئینان و بریاره دوفچونا هه‌مو پڕۆژه‌یان ژ ڕۆیێ دابینكرنا ساخله‌میێ ژینگه‌هێ ئێمناهییێ ئامیرێن سلامه‌تییێ و هه‌مو خزمه‌تگوزاریان ب شێوه‌كێ گشتی بهێته كرن