مانگی پێشوو، لە ڕۆژی 27/6/2024، وەزارەتی دارایی هەرێمی كوردستان لیستی مووچەی مانگی شەشی بۆ بەغدا نارد و ڕۆژی شەممە 29/6/2024 لیستەکە گەیشتە دارایی فیدراڵ.
رۆژی 4/7/2024، وەزارەتی دارایی عێراق بڕی 231 ملیاری دیناری تەمویلی مووچەخۆرانی مانگی شەشی بۆ هەرێمی كوردستان رەوانە كرد و دەست بە دابەشكردنی مووچە كرا.
پێشتر، د. محەمەد زراری، بەڕێوەبەری گشتی له دیوانی چاودێریی دارایی هەرێمی کوردستان، ڕایگەیاندبوو: “مانگانە لیستی مووچەی فەرمانبەران و مووچەخۆران و هێزە ئەمنییەکان لای ئێمە وردبینى دەکرێت و پاشان بۆ بەغدا دەنێردرێ.”
لای خۆیەوە، د. شێروان دووبەردانی، ئەندامی پەرلەمانی عێراق، ڕایگەیاند: “بڕیارە ئەم هەفتەیە لە عێراق دەست بە دابەشکردنی مووچەی مانگی حەوت بکرێت، بە دڵنیاییەوە دوای گەیشتنی لیستی مووچەخۆرانی هەرێمی کوردستان بە دارایی عێراق، ڕاستەوخۆ وردبینی دەست پێدەکات و پاشان تەمویل دەنێردرێ.”
ئاماژەی بەوەش دا، لە مانگی ڕابردوودا دارایی عێراق لە 23ی 6 دەستی به دابەشکردنی مووچەی مانگی شەشی دامودەزگاکانی عێراق کرد.
شوان بەرزنجی