شەکرە لەجۆری دوو یەکێکە لەو نەخۆشیانەی زۆر باوە و ژمارەیەکی زۆر خەڵک لە تەمەنە جیاوازەکاندا تووش دەبن، سیستمی خۆراکی ڕۆڵێکی گەورەی لە نەخۆشی شەکرەدا هەیە.
ئەو کەسانەی توشبووی شەکرەن لەجۆری دوو ئامۆژگاری دەکرێن میوە و سەوزەواتەکان زیاتر بخۆن، بەڵام توێژینەوە نوێیەکان دەریانخستووە هەندێک میوە هەن دەبنە هۆی بەرزبونەوەی شەکری خوێن بۆیە پێویستە لێی دووربکەونەوە، پزیشکێکی پسپۆڕی بواری خۆراک دەڵێت: میوەکانی وەک مانگۆ، ئەنەناس، شوتی و مۆز یارمەتی بەرزبونەوەی ڕێژەی شەکری خوێن دەدەن، ئەگەر زیادەڕەوی تێدا بکرێت لەوانەیە ببێتە هۆی بێهۆش بوون.
پزیشکەکە باس لەوەش دەکات ئەو کەسانەی نەخۆشی شەکرەیان هەیە زیاتر میوەکانی توو یان شاتوو، سێو و هەرمێ بخۆن، چونکە مەترسیان نییە و یارمەتی کۆنتڕۆڵکردنی ئەنسۆلینی خوێن دەدەن.