ئەمڕۆ یەکشەممە، 13-10-2024، مەسرور بارزانی، سەرۆکی حکوومەتی هەرێمی کوردستان، پێشوازی لە ئەندریا ناسی، باڵیۆزی نەمسا (ئۆستریا) لە عێراق کرد.
بە گوێرەی ڕاگەیەندراوی حکوومەتی هەرێمی کوردستان، لە دیدارەکەدا، بیروڕا لەبارەی بەهێزترکردنی پەیوەندییەکانی هەرێمی کوردستان و نەمسا لە بوارە جۆراوجۆرەکاندا ئاڵۆگۆڕ کرا.
لە بەشێکی دیکەی دیدارەکەدا، وەکوو ئەوەی ئاماژەی پێ کراوە “تیشک خرایە سەر دوایین پێشهات و پەرەسەندنەکانی بارودۆخی گشتیی عێراق و شەڕ و ئاڵۆزییەکانی ڕۆژهەڵاتی ناوەڕاست و جەخت لە گرنگیی پاراستنی سەقامگیری و ئاشتی و ئاسایشی هەرێمی کوردستان و عێراق و ناوچەکە کرایەوە”.