زانایانی بواری خۆراک دەڵێن: بەشێکی زۆری ئەو کەسانەی ڕۆژانە بە دەست ئازاری گەدەیانەوە دەناڵێنن، بەهۆی شێوازی ژیان، سیستمی خۆراکی هەڵە و وەرزش نەکردنەوەیە، بەپێی توێژینەوەکان هەندێک خواردن ئازاری گەدە، ئاوسانی سک و غازات دروست دەکەن، ئەمەش کاریگەری خراپی لەسەر تەندروستی جەستە دەبێت.
ئەو خواردنانەی دەبنە هۆی ئازاری گەدە:
-سەوزەواتی کاڵ
خواردنی سەوزەواتی کاڵ وەک باینجان، تەماتە، پەتاتە و چەندانی دیکە، لەوانەیە نارەحەتی گەدە و کێشەکانی ڕیخۆڵە دروست بکەن، سەوزەواتە کاڵەکان ترشەڵۆکی گەدە زیاد دەکەن، ئەمەش دەبێتە هۆی سووتانی گەدە.
-ئەو خواردنانەی دەوڵەمەندن بە ڕیشاڵەکان
ئەو خواردنانەی دەوڵەمەندن بە ڕیشاڵەکان سوودێکی زۆریان هەیە، بەڵام دەبێت بەڕێژەیەکی دیارکراو بخورێن، چونکە زیادەڕەویکردن لە خواردنیاندا دەبێتە هۆی ئازار گەدە و ئاوسانی سک، پێویستە پێش وەرزش کردن ئەو خواردنانە نەخورێن کە دوڵەمەندن بە ڕیشاڵەکان چونکە کێشە بۆ ڕیخۆڵەکان دروست دەکەن لەکاتی وەرزشکردندا، ئەو خواردنانەش وەک پاقلەمەنیەکان، چەرەساتەکان، مۆز و سێو.
-بنێشت
توێژینەوەکان دەریدەخەن بەکارهێنانی بنێشت بەشێوەیەکی بەردەوام هۆکارێکە بۆ کێشەکانی گەدە و توشبوون بە قۆڵۆن، هەروەها دەبێتە هۆی ئاوسان و ئازاری سک.
-شیرەمەنیەکان
بەرهەمە شیرەمەنیەکان کێشە بۆ گەدە و سک دروست دەکەن، چونکە غازات و ئاوسان دروست دەکەن.
-خواردنەوە گازیەکان
خواردنەوە گازیەکان کێشە و ئازار بۆ گەدە دروست دەکەن و دەبنە هۆی غازات.
-خواردنە تونەکان
زیادەڕەویکردن لە خواردنە تونەکاندا زیان بە گەدە دەگەیەنن، چونکە ترشەڵۆکی گەدە زیاد دەکەن و دەبنە هۆی تێکچوونی گەدە.