ئاژانسی هەواڵی زاگرۆس

لە ڕێوڕەسمەکانی پێش نەورۆزی ورمێ ١٦ کەس بریندار و ٣ کەس گیانیان لەدەست دا

 

بەپێی ڕاپۆرتی ئاژانسی هەواڵی ئیرنای ئێران، بەهۆی یاریی ئاگرینەوە لە ڕێوڕەسمەکانی پێش نەورۆزدا لە پارێزگای ورمێی ڕۆژهەڵاتی کوردستان، ١٦ کەس بریندار بوون و سێ کەسیش گیانیان لەدەست داوە.

فەرزین ڕەزازادە، بەڕێوەبەری فریاکەوتنی نەخۆشخانەکانی پارێزگای ورمێ، بە ئیرنای ڕاگەیاندووە، لە ١٩ی شوباتەوە تا ئێستا ١٣ کەس بەهۆی یارییە ئاگرینەکانی پێش نەورۆزەوە سەردانی نەخۆشخانەکانی پارێزگاکەیان کردووە. هەروەها لە چوارشەممەسووریی شارۆچکەی سەڵماسدا ٣ کەس بریندار بوون و سێ کەسیش گیانیان لەدەست داوە.

خەڵکی ناوچە جیاجیاکانی ئێران و ڕۆژهەڵاتی کوردستان لە دواین چوارشەممەی پێش نەورۆزدا هەموو ساڵێک، هاوشێوەی ڕۆژی نەورۆز، ئاگر دەکەنەوە و یاریی ئاگرینیش لەو ڕۆژەدا دەکەن.

ئێوارەی چوارشەممە سووریی خەڵک ئاگر دەکەنەوە و بەسەریدا باز دەدن.

هەواڵی پەیوەندیدار

نرخی زێڕ زیاتر بەرزبووەوە

سەڵاح

مه‌سرور بارزانی : په‌یوه‌ندییه‌كی باش له‌ نێوان هه‌رێمی كوردستان و ئه‌مه‌ریكادا هه‌یه‌

سەڵاح

سەرۆک وەزیران سوپاسی پارێزگار و سەرۆکی یەکە کارگێڕییەکانی سلێمانی دەکات

یاسین