گوتەبێژی فەرماندەی گشتی هێزە چەکدارەکان، سەباح نوعمان دووپاتی کردەوە، کشانەوەی هێزەکانی هاوپەیمانان لە عێراق یەکێکە لە دەستکەوتەکانی حکومەت.
سەباح نوعمان راگەیاند: “کشانەوەی هێزەکانی هاوپەیمانی نێودەوڵەتی لە عێراق یەکێکە لە دەستکەوتەکانی حکومەت و نیشاندەری توانای عێراقە بۆ رووبەڕووبوونەوەی تیرۆر و پاراستنی ئاسایش و سەقامگیری بەبێ ئەوەی پێویستی بە هاوکاریی خەڵکی دیکە بێت”.
ئاماژەی بەوەشکرد، “ئەمە بەبێ هەوڵی سیاسی و پێداگری سەرۆک وەزیران بۆ داخستنی ئەم دۆسیه نەدەکرا، هەروەک چۆن دۆسیەی یونامی داخست”.
باڵیۆزخانەی ئەمریکا لە عێراق پێشتر ڕایگەیاندبوو کە ئەرکی هاوپەیمانی نێودەوڵەتی لە عێراق دەگۆڕێت بۆ هاوبەشییەکی ئەمنی دوو قۆڵی.