١٩ی ئابی ٢٠٢٤ – بەپێی ئامارەکانی “بنکەی داتای ئاسایشی کارمەندانی فریاگوزاری”، لە سەرەتای ئەمساڵەوە تا ١٤ی ئاب، ٢٦٥ کارمەندی بواری مرۆیی و فریاگوزاری لە سەرانسەری جیهاندا کوژراون.
کەرتی غەززە بە تۆمارکردنی کوژرانی ١٧٣ کارمەند، وەک مەترسیدارترین ناوچە بۆ کارمەندانی فریاگوزاری لە جیهاندا دەستنیشان کراوە. لە دوای غەززەش، سوودان بە ٣٦ کوژراو و سوودانی باشوور بە ١٤ کوژراو دێن.
ئەم ئامارە نیشاندەری دۆخێکی مەترسیدارە بۆ کارمەندانی مرۆیی. لە ساڵی ٢٠٢٣دا ٢٩٣ کارمەند کوژرابوون، لە کاتێکدا ساڵی ٢٠٢٤ بەهۆی شەڕەکانی غەززە و سوودانەوە، ڕێژەکە بە شێوەیەکی بەرچاو بەرز بووەتەوە. هەروەها لە سوودانی باشوور، لە نێوان مانگەکانی کانوونی دووەم تا تەممووزی ئەمساڵ، زیاتر لە ٢٠٠ حاڵەتی توندوتیژی دژی کارمەندانی فریاگوزاری تۆمار کراوە.
هەواڵی پێشوو