رۆژی دووشەممە، 15-09-2025، لە رێوڕەسمێکدا بە ئامادەبوونی ئومێد خۆشناو، پارێزگاری هەولێر، خەڵاتی رێزلێنان بەخشرایە راگەیاندنکار، هێرۆ مەولوودی.
رێوڕەسمەکە لەلایەن مۆزەخانەی پەروەردەیی و ئەرشیفی هەولێرەوە رێکخرابوو وەک رێزێک بۆ کارەکانی ناوبراو لە بواری پرسی ئافرەتان و داکۆکیکردن لە مافەکانیان.
پارێزگاری هەولێر رایگەیاند، “هێرۆ مەولوودی رۆژنامەنووسێکی بەهەڵوێستە و وەک ئافرەتێکی بوێر وەک پەیامنێری جەنگ رووماڵی شەڕی دژی تیرۆریستانی داعشی کردووە.”
لە کۆتایی رێوڕەسمەکەدا، ئومێد خۆشناو خەڵاتەکەی پێشکێشی هێرۆ مەولوودی کرد و بەشێک لە کار و بەڵگەنامە میدیاییەکانی ناوبراو لەلایەن مۆزەخانەکەوە نمایشکرا.