ئەمڕۆ دووشەممە 10/6، مەسرور بارزانی، سەرۆکی حکومەتی هەرێمی کوردستان، پێشوازی لە حەیدەر عەبادی، سەرۆکی هاوپەیمانیی نەسڕ کرد.
لە دیدارەکەدا دوایین گۆڕانکاری و پێشهاتەکانی دۆخی گشتیی عێراق و پەیوەندییەکانی هەرێمی کوردستان و حکومەتی فیدراڵ تاووتوێ کرا و جەخت لە گرنگیی چارەسەرکردنی کێشەکان لەسەر بنەمای دەستوور و ڕێزگرتن لە قەوارەی فیدراڵیی هەرێمی کوردستان کرایەوە.
ئامادەکارییەکانی هەڵبژاردنی ئەنجومەنی نوێنەرانی عێراق، تەوەرێکی دیکەی کۆبوونەوەکە بوو.