دوای ئەو مشتومڕ و ئاڵۆزیانەی لەسەر پێکانی لامین یەماڵ کەوتە نێوان یانەی بارسێلۆنا و هەڵبژاردەی ئیسپانیا جارێکی دیکە کێشەکان دروست دەبنەوە ئەمجارەیان لەسەر پێکانی دانی ئۆلمۆ و یانەی بارسێلۆنا زۆر نیگەرانن لەو حاڵەی ئەستێرەکانیان لە یاریە نێودەوڵەتیەکان لەگەڵ هەڵبژاردەی ئیسپانیا.
بەگوێرەی ڕۆژنامەی مارکا پزیشکەکانی هەڵبژاردەی ئیسپانیا ئەوەیان تەواو نەدرکاندوە،کە ئۆلمۆ پێکانەکەی ئاسایی نییە و ئۆلمۆ بەپێکانەوە دەگەڕێتەوە بارسێلۆنا و لەوێدا پشکنینی نوێی پزیشکی بۆ دەکرێت،بەڵام بەگوێرەی نوێترین زانیاریەکان ئۆلمۆ لانیکەم بۆ ماوەی 5 هەفتە لەیاریگان دووردەکەوێتەوە.
ئێستا توڕەیی و ناڕەزایەتیەکی زۆر بارسێلۆنای داگیر کردوە ژهەمبەر ئەو بارگرانیەی کەوتۆتە سەر یانەکە و هەڵبژاردەی ئیسپانیاش بە تاوانباری یەکەم دەزانن ڕەنگە دوای ئەو بابەتە بارسێلۆنا ڕێکاری نوێ بگرێتەبەر دژی فیدراسیۆنی تۆپی پێی ئیسپانیا.
“سەرکار ڕێبوار”