پهرلهمانتارێكی پێشووتری پهرلهمانی كوردستان ئاماژه بهوه دهكات كه گرنگه خهڵكی كوردستان بچنه دهنگدان و دهنگ بدهن به هێزه نیشتیمان پهروهرهكان
شوان زراری بۆ زاگرۆس گوتی: “ئهمرۆ ههتا دوو رۆژی داهاتوو رۆژێكی گرنگه، دهنگدەرانی تایبهت ئهمرۆ دهنگیاندا به خولی شهشهمی ئهنجومهنی نوێنهرانی عێراق و رۆژی 11ی مانگیش دهنگدانی گشتییه، ئهم رۆژه گرنگه بۆ كوردستان و عێراق، پهیوهندیی به داهاتووی عێراق و كوردستانهوه ههیه.“
ڕوونیشی كردەوە: ” گرنگه سهنگی كورد له بهغدا بههێز بێت و نوێنهرانی كورد له بهغدا شهڕ بكهن بۆ مافهكانی كورد، له ماوهی رابردوو هەموان بینییان كە كام لیست بوو ئازایانه و كارایانه بەرگریی لە خەڵكی كوردستان دەكرد و قوربانیی بە خۆی دەدا لەپێناو بەدەستهێنانی مافەكانی خەڵك.“
گوتیشی: ”زۆر مافی كورد ماوه له بهغدا كە هێشتا بهدهست نههاتووه، به تایبهت دروستكردنی ئهنجوومهنی فیدرالی و مادەی 140 و پرسی بودجه كه ئهمانه بە حزبێك دەكرێت كە بەڕاستی خەمخۆری خەڵكی كوردستان بێت.“.