لەکاتی یاریی ریاڵ مەدرید بەرامبەر سێڵتا ڤیگۆ، ئیدێر میلیتاوی یاریزانی هێڵێ بەرگری ریاڵ مەدرید تووشی پێکانبوو لە خولەکی 21، دواتر گۆرانکاری پێکرا و ئەنتۆنیۆ رودیگەر لە جێگای هاتە نێو یاریگا.
بە گوێرەی زانیارییەکانی رۆژنامەی مارکا، بەپێی پشکنینە سەرەتاییەکان، گومان دەکرێت بەرگریکارە بەڕازیلییەکە تووشی پچڕان یان گرژبوونی توندی ماسولکەکانی بوبێ لە بەشی پشتەوەی رانی چەپیدا.
زانیارییەکان پشتراستیان کردووەتەوە، میلیتاو لە یاری داهاتووی یانەکەی بەرامبەر مان سیتی یاریی ناکات، بەڵام تا ئێستا بە روونی دۆخی پێکانەکەی رانەگەیەندراوە.
مارکا ئاماژەی بەوەشکردووە، ئەگەر پێکانەکەی میلیتاو سادە بێت ئەوا لانیکەم یەک بۆ چوار هەفتە لە یاریگاکان دووردەکەوێتەوە، بەڵام ئەگەر پێکانێکی ئاڵۆز و سەختبێت ماوەی دوورکەوتنەوەی بۆ ماوەی 3 مانگە.