نێچیرڤان بارزانی، سەرۆکی هەرێمی کوردستان، بەبۆنەی ساڵیادی دامەزراندنی کۆمەڵی دادگەریی کوردستانەوە، پەیامێکی پیرۆزبایی ئاراستەی سەرۆک و سەرکردایەتی و جەماوەری ئەو حزبە کرد.
لە پەیامەکەیدا، سەرۆکی هەرێمی کوردستان وێڕای پیرۆزبایی لە مامۆستا عەلی باپیر و تەواوی ئەندامانی کۆمەڵ، هیوای سەرکەوتنی بۆ خواستن و ڕایگەیاند: “ساڵیادی دامەزراندنی کۆمەڵی دادگەریی کوردستان، لە بەڕێز مامۆستا عەلی باپیر سەرۆکی کۆمەڵ، سەرکردایەتی، ئەندامان و تەواوی جه‌ماوه‌ری کۆمەڵی دادگەريی كوردستان پیرۆز دەکەم.”
سەرۆک نێچیرڤان بارزانی لە بەشێکی دیکەی پەیامەکەیدا جەختی لە پێویستیی یەکڕیزیی نێوان هێزە سیاسییەکان کردەوە و ئاماژەی بەوە دا: “لەم یادەدا، جه‌خت له گرنگیی پێگەی هێز و لایەنە سیاسییەکان و پێکهاته‌كانى كوردستان بۆ چەسپاندنی لێکگەیشتن و یەکڕیزیی نیشتمانی دەكه‌مه‌وه.”
هەروەها سەرۆکی هەرێم دووپاتی کردەوە کە کارکردنی پێکەوەیی کلیلی پاراستنی بەرژەوەندییە باڵاکانی گەلەکەمانە، تاوەکو پێکەوە بەرەو داهاتوویەکی گەشتر و سەقامگیرتر بۆ کوردستان هەنگاو بنێین.
نێچیرڤان بارزانی
سەرۆکی هەرێمی کوردستان
2026/5/31