هەیئەتی فڕۆکەوانی مەدەنی کوێت ڕۆژی چوارشەممە ڕایگەیاند کە بینای ترمیناڵی فرۆکەخانەی نێودەوڵەتی کوێت بە هێرشی مووشەکی و فرۆکەی بێفڕۆکەی ئێران بە ئامانج گیراوە، کە بووەتە هۆی برینداربوونی ژمارەیەک کەس و گەیشتنی زیانی بەرچاو بە چەندین بەشی فرۆکەخانەکە.
لە ڕاگەیەندراوەکەدا هاتووە کە دوای ڕووداوەکە، پلانی بارودۆخی نائاسایی بە خێرایی جێبەجێ کراوە و بڕیار دراوە هەموو گەشتە ئاسمانییەکان لە فرۆکەخانەی نێودەوڵەتی کوێت بوەستێندرێن. هەروەها ژمارەیەک فڕۆکە بۆ فرۆکەخانەی جێگرەوە ڕێنوێنی کراون، تا دواداچوون بۆ دڵنیابوون لە سەلامەتی گەشتیاران و کارمەندان.
لە هەمان کاتدا، سوپای کوێت ڕایگەیاندووە کە بە هاوکاری لەگەڵ دەزگا پەیوەندیدارەکان بە وردی چاودێری بارودۆخەکە دەکات و هەنگاوە پێویستەکان بۆ پاراستنی ئاسایشی وڵات دەگرێتە بەر.
لە لایەکی دیکەوە، فەرماندەیی ناوەندی هێزەکانی ئەمریکا (سێنتکۆم) بەیانی زوو ڕۆژی چوارشەممە ڕایگەیاند کە توانیویەتی پەلامارێکی بەرفراوانی ئێران کە چەند وڵاتێکی ناوچەی ئامانج گرتبوو، پووچەڵ بکاتەوە. بە پێی ڕاگەیەندراوەکە، مووشەکە بالیستیک و فرۆکە بێفڕۆکەکانی ئێران نەیانتوانیوە ئامانجە دیاریکراوەکان بپێکن.
سێنتکۆم هەروەها ئاماژەی بەوە دا کە وەک وەڵامێک بۆ هێرشەکان، گورزێکی وردی سەربازی لە دژی بنکەیەکی کۆنترۆڵی زەمینی ئێران لە دوورگەی قەشم ئەنجام دراوە.
بەپێی وردەکارییەکان، دوو مووشەکی ئێرانی کە بە ئاراستەی کوێت هەڵدراون، پێش گەیشتن بە ئامانجەکانیان کەوتوون یان دابەش بوونەوە. هەروەها سیستەمی بەرگری ئاسمانی ئەمریکا و بەحرەین سێ مووشەکی دیکەیان لە ئاسمانی بەحرەین ڕاگرتووە.
لە ڕاگەیەندراوەکەدا هاتووە کە سێ فرۆکەی بێفڕۆکەی خۆکوژیش لە کاتی تێپەڕینی کەشتیوانانی مەدەنی لە ناو ئاوی هەرێمی بە شێوەی یاسایی، خستراونەتە خوارەوە و هیچ زیانێک بە هێزەکانی ئەمریکا نەگەیشتووە.
فەرماندەیی ناوەندی هێزەکانی ئەمریکا لە ڕاگەیەندراوەیەکی دواتردا ئاماژەی بەوە دا کە شەپۆلێکی دیکەی فرۆکەی بێفڕۆکە هەوڵی ئامانجگرتنی هێزەکانی ئەمریکای لە کوێت داوە، بەڵام سەرکەوتوو نەبووە و سیستەمی بەرگری ئاسمانی توانیویەتی ژمارەیەکیان بخاتە خوارەوە، بێ ئەوەی زیانێکی مرۆیی یان ماددی تۆمار بکرێت.