ئەمڕۆ شەممە، 6ی حوزەیرانی 2026، لەگەڵ کۆتاییهاتنی مامەڵەکانی هەفتە و داخستنی بازاڕەکانی وزەدا، نرخی نەوت دابەزینی بەخۆیەوە بینی و ئەو بەرزبوونەوە پێشووەی جێهێشت، ئەمەش دوای ئەوەی هێوربوونەوەیەک بە بازاڕەکاندا هاتەوە.
لە گۆڕانکارییە بەردەوامەکانی کاتی داخستنی بازاڕدا، نرخی هەر بەرمیلێک نەوتی خاوی برێنت گەیشتووەتە 93.09 دۆلار، کە بەراورد بە ئامارەکانی پێشوو (96.90 دۆلار) بە بڕی 3 دۆلار و 81 سەنت دابەزیوە. هاوكات، نرخی هەر بەرمیلێک نەوتی خاوی سووکی تەکساسی ئەمریکیش نیشتنەوەی بەخۆوە بینی و گەیشتە 90.54 دۆلار، کە ئەمەش بەراورد بە کاتی پێشوو (95.14 دۆلار) دابەزینێکی 4 دۆلار و 60 سەنتی نیشان دەدات.
ئەم پاشەکشەیەی نرخەکانی نەوت بەهۆی ئەوەوەیە کە بازرگانان متمانەیان بەدەستهێناوە کە ئەگەری نوێبوونەوەی ململانێی نێوان ئەمریکا و ئێران کەمتر دەبێتەوە. ئەم گەشبینییە و کەمبوونەوەی گرژییەکان وایکردووە ترسی وەبەرهێنەران لەسەر داهاتووی گەرووی هورمز و جووڵەی کەشتییە نەوتییەکان کەم بێتەوە، کە ئەوەش ڕاستەوخۆ بووە هۆی هێوربوونەوەی دڵەڕاوکێی کەرتی وزە و دابەزینی نرخەکان لە بازاڕەکانی جیهاندا.