نرخی خەیاڵی پارچەیەک شیرینی “پاقلاوە” کە لە فڕۆکەخانەی نێودەوڵەتی ئەستەنبوڵ بۆ فرۆشتن دانرابوو، شەپۆلێک لە سەرسوڕمان و ناڕەزایەتی لای گەشتیارێک دروستکرد کە دیمەنەکەی بە کامێرای مۆبایلەکەی بەدۆکیۆمێنت کردووە.
ڤیدیۆکە گفتوگۆیەکی نوێی لەسەر بەرزبوونەوەی لەڕادەبەدەری نرخی خۆراک و خواردنەوەکان لەناو دامەزراوە ئاسمانییەکاندا گەڕاندەوە.
شۆکی گەشتیارەکە دیار بوو دوای ئەوەی دەرکەوت یەک پارچە پاقلاوە بە ٨ یۆرۆ دەفرۆشرێت، کە دەکاتە نزیکەی ٤٢٧ لیرەی تورکی.
سەرنشینەکە لەو گرتە ڤیدیۆییەی کە تۆماری کردووە، لە کاتێکدا بە سەرسوڕمانەوە ئاماژە بە تابلۆی نرخەکەی سەر بەرهەمەکە دەکات، دەڵێت: “دوای بینینی ئەمە، چیتر ناتوانم بڵێم هیچ وڵاتێک گرانە.. بە تەواوی هەستی خۆمم بۆ نرخەکان لەدەستدا!”.
کۆمێنتی گەشتیارەکە و تۆمارکردنی ڕووداوەکە گرنگی و کاردانەوەی بەربڵاوی لەلایەن بەکارهێنەرانی تۆڕە کۆمەڵایەتییەکانەوە بەدەستهێنا، لە نێوان ڕەخنەی توند لە سیاستەکانی نرخاندن لە فڕۆکەخانەکاندا، کە بارگرانییەکی دارایی گەورە لەسەر گەشتیارانی ناوخۆیی و بیانی دروست دەکات.