رێبوار حەمەلاو شوانی
پارتی دیموكراتی كوردستان بناغەدانەرەكەی باوكی ڕۆحی نەتەوەیی كورد مستەفا بارزانییە ، كاروستراتیژی لە پێشینە و لە مێژینەی و پەیڕەوی بەرگریكردنە لە نەتەوە كورد وخاكی پیرۆزی كوردستان و هەمیشە كار وخەباتی لە پێناو بەهێزكردنی دۆزی كوردوكوردستان بووە، هەر ئەوەشە وایكردووە كە ئەو هەڵوێستە نەتەوەییانە و ڕژدبوونی ڕووبەرووی هێرش و دژایەتی داگیركەران ونەیارانی كوردستان ببێتەوە ، ئەوەش شانازییەكی مەزنە كاتێك پارتی لە پێناو ئەوە دروستبووە تا كو دۆزی نەتەوەی كورد لە هەر چوار پارچەی كوردستان بگەێنێتە لووتكە و ئاستێكی بەهێز تا دوژمنان ونەیارانی ب پووكێنێتەوە و ریسوایان بكات .
پارتی ئەو هێز و داینەمۆییە كە بە هۆی هەڵوێستە نەتەوەیی ونیشتیمانییەكانیەوە چ لە سەر ئاستی دەرەوە وهەمیشە لە سەر ئاستی نێوخۆیی ، هەمیشە تیری دوژمنان و نەیارانی كوردوكوردستان ڕوویان لەو قوتابخانە و ڕێبازە بووە ، ئەمەش تەنیا لە بەر ئەوەی بنەما و ستراتیژی و خەلباتی لە سەر پرەنسیپی نەتەوەیی و نیشتیمانی بووە .
مێژوویش گەواهیدەرە ، لە هەر قۆناغێكی خەبات و بەرخوداندا و هەر كاتێك كە دۆخی كوردستان خراپ بووبێت و دۆزی كورد گەیشت بێتە ئاستێكی هەستیار و ناسیك ، ئەو پارتی دیموكراتی كوردستان بە رابەرایەتی سەرۆك مسعود بارزانی ، زۆرترین ئەرك و قورسایەتی بە بەراوەرد لەگەڵ هەموو حزب ولایەنەكانتی كوردستان هەڵگرتووە و هیچ كاتێكیش لە بەرپرسیاریەتی شانەی بەتاڵ نەكردووە و هەڵنەهاتووە ، ئەوەش وایكردووە كە دوژمنان و ناحەزانی كوردستان زۆرترین دژایەتی بەرامبەر بە پارتی وبارزانی بكەن، چونكە هەرگیز ئامادە نەبووە كوردستان بكاتە قوربانی بەرژوەندیی تایبەت و بەهێزكوردنی كوردستان كاری لە پێشینەی بووە .
پارتی حیزبێكی نەتەوەیی و نیشتیمانییە ، هەرگیز لە چوارچێوەیەكی جوگرافیایی و بەرژوەندی حزب و كەسێك خەباتی نەكردووە ، حزبێكە هەر لە كاتی دامەزراندنییەوە بە یەك بەرنامە و بیركردنەوە وپەیڕەو كار و تێكۆشانی كردووە لە پێناو بەهێزكردنی كوردستان و بەرگریی سەرسەختانەی كردووە لە پێناو مافەرەواكانی گەلی كورد جەنگاوە ، هۆكاری ئەو پەلاماردان و دژایەتیكردنە سەرسەختانەیەی كوردستان ، بۆ ئەوە دەگەرێتەوە ، دوژمنان باش دەزانن ئەگەر پارتی نەبێت ، زۆر بە ئاسانی دەتوانن زەفەر بە كوردوكورد\ستا بگەێنن و پیلانەكانیان جێبەجێ بكەن .
كردەوە و ستراتیژ و هەنگاوە و خەباتی نزیكەی هەشت دەیە پێمان دەڵێت و گەواهیدەرە كە پارتی بۆ ئەوە دروستبووە كوردستان بپارێزێت ، پارتی حزب و داینەموۆی نیشتیمانپەوەری و كوردپەوەردییە ، كورد وپارتی دوو شتن هیچ كات لە یەك دانەبڕاون و داشنابڕێن ، چونكە بیروهزری پارتی كوردانەیە ، پارتی هەرگیز سازشی لە سەر بستێك خاك و بچووكترین مافی كورد نەكردووە ، دوژمنانیش باش لەو راستییە گەیشتوون پارتی لە ژێر هیچ گەلەكۆمەكی و فشار و پەڵاماردانێك لە خەبات بۆ ئامانجە نەتەوەییەكانی پاشگەز نابێتەوە.
ئەمە بەرنامەی حزبێكە، هەموو كات دژایەتی دەكات و بۆی لە بۆسەدایە، كاتێك دەڵێن بەهێزیی پارتی بەهێزیی كوردستانە، مەبەستەكە ئەوەیە كە پارتی بەو جۆرە كار دەكات.
دوژمنانی كوردستان بەهەموو شێوەیەك دژایەتی پارتی دەكەن , چونكە بۆ پارتی ئەوەی گرنگە و گەورەیە ئاڵا و خاك و دۆزی رەوای نەتەوەكەیەتی ، بۆ ئەوەش دروستبووە تاكو رزگاری بكات و بیپارێزێت ، لەگەڵ ئەوەشدا پارتی هەموو شێوەیەك دژایەتی كراوە و دەركرێت ، بەڵام بوونی پارتی واتە پووچەڵ بوونەوەی پیلانی دوژمنانی كوردستان .
هەروەها پارتی ئەو حزبە نەتەوەیی ونیشتیمانییە كە بەكردەوە و هەڵسوكەتەكان و دیپلۆماسی و سیاسەتی سەركەوتووانەی توانی دۆزی كورد بە هەموو دونیا بباسێنێت ، چونكە هەمیشە كوردانە بیر دەكاتەوە و بە پێی هەڵومەرج خەبات دەكات بۆ گەیشتن وبەدەستهێنانی مافەرەواكان ، قۆناغی گرنگ و ستراتیژی هەر لە ئۆتۆنۆمی تا ئێستای فیدڕاڵی و سەركەوتنی ڕیفراندۆم كە خەون و هیوای دەیان ساڵە نەتەوەی كورد بەدەستهێناوە كە ئەویش مافی دەوڵەتبوونی سەربەخۆییە و ئەوانەی دژایەتی ریفراندۆمیشیان كرد ، ئەو دەزانن بۆچی دژایەتی پارتی و بارزانییان كرد ، ئەو ئامانجە بریاری لە سەر دراوە و دێنە دی و هەروەها پارتی ئەو داینەمۆ و هێزەیە بەرگریی لە خەباتی نەتەوەیی هەر چوار پارچەی كوردستان دەكات و تا گەیاندنیان بە كەناڕی ئارامی و دڵنییایی .ونابێت ئەوەش لە بیربكەین كە ئەگەر بارزانی و پارتی نەبووایە بابەتێك بەناوی دۆزی كوردوكوردستان نەبوو..