لە درێژەی سەرکەوتنە نێودەوڵەتییەکانیدا، گروپی شانۆی هەوار توانی لە فێستیڤاڵی شانۆی زانکۆکانی تونس بۆ نمایشی شانۆیی “لەودیو دەرگا داخراوەکانەوە” دوو خەڵات بەدەست بێنێت.
رێوڕەسمی بەخشینی خەڵاتەکان لە نێو ئامادەبوونی خولیایانی شانۆ و لێژنەی دادوەراندا بەڕێوەچوو، تێیدا نوێنەرانی شانۆی کوردستان، خەڵاتی تایبەتی لێژنەی دادوەران بۆ ئەکتەری کچ (هاوسەر ئیدریس) و خەڵاتی باشترین توێژینەوە بۆ ناوەرۆک و داهێنانی شانۆییبە خشرایە دەرهێنەر نەژاد نەجم.
ئەم خەڵاتە تایبەتە بە هەڵسەنگاندنی داهێنانی نوێ، بیرۆکەی جیاواز لە دارشتنی نمایش و بەکارهێنانی شوێنی نوێ بۆ بەرهەمهێنانی شانۆیی.
بەدەستهێنانی ئەم دوو خەڵاتە لە فێستیڤاڵی زانکۆکانی تونس وەک هەنگاوێکی دیکەی سەرکەوتووانەی گروپی شانۆی هەوار لە قەڵەم دەدرێت، کە بەردەوامە لە پێشکەشکردنی بەرهەمی نوێخوازانە و ئامادەبوونی کارا لە فێستیڤاڵە ناوچەیی و نێودەوڵەتییەکاندا.