کۆمپانیای پەخشی “Paramount+” بە فەرمی ڕایگەیاند، وەرزی پێنجەم و کۆتایی زنجیرەی تاوانکاری بەناوبانگ (Mayor of Kingstown) لە رێکەوتی ١٥ی کانوونی دووەمی ٢٠٢٧ پەخش دەکرێت.
ئەم بڕیارە کۆتایی بەو گەشتە دراماییە دەهێنێت کە توانیبووی بۆ ماوەی پێنج وەرز سەرنجی ملیۆنان بینەر لە سەرانسەری جیهاندا بۆ لای خۆی ڕابکێشێت.
بەکارهێنەرانی نێتفلیکس بە پەرۆشەوە چاوەڕێی هاتنی ئەم وەرزە نوێیە دەکەن بۆ ناو کتێبخانەی دیجیتاڵی خۆیان، بەتایبەت دوای ئەوەی وەرزی پێشووی لە سەرەتای ئۆکتۆبەری ٢٠٢٦خرابووە ڕوو.
چاوەڕوان دەکرێت وەرزی کۆتایی لە کۆتایی ٢٠٢٧دا بگاتە نێتفلیکس، هەرچەندە هێشتا وادەی وردی بڵاوکردنەوەی لەو پلاتفۆرمەدا بە فەرمی بڵاو نەکراوەتەوە.
ڕووداوەکانی ئەم وەرزە درێژە بەو ئاڵۆزی و پێکدادانە خوێناوییانە دەدەن کە لە شاری کینګستاوندا ڕوودەدەن، بەتایبەت دوای کوژرانی تریسی و هەوڵەکانی مایک (کە جێریمێ ڕینەر ڕۆڵی تێدا دەگێڕێت) و براکەی کایل بۆ تۆڵەسەندنەوە. لەم نێوەندەدا، گەیشتنی ئەنتەلیجێنس و لێکۆڵەری فیدراڵی ڕاسل هاردی (کە دەیڤید مۆرس ڕۆڵی دەبینێت) بۆ شارەکە، بارودۆخەکە زیاتر ئاڵۆزتر دەکات و هەڕەشەی ڕووخانی هاوسەنگییە لاوازەکەی شارەکە دەکات.