لە هۆڵی شەهید مەهدی خۆشناو، رێوڕسمێك بۆ بڵاوكردنەوەی فەرهەنگی “هەوری” لە ئامادەكردنی حەمەساڵح فەرهادی بەڕێوەچوو.
رێوڕسمەکە لەلایەن لقی هەولێری یەكێتی نووسەرانی كورد بەڕێوە چوو، تێیدا فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەكی بەرچاو لە نووسەران، ئەدیبان و هونەرمەندان ئامادەبوون.
لە رێوڕەسمەكەدا حەمەساڵح فەرهادی تیشكی خستە سەر فەرهەنگەكە و چۆنیەتی ئامادەكردنی. دواتر بەسەر ئامادەبواندا دابەشكرا.
فەرهەنگەکە تایبەتە بە وشە و زاراوەکانی هەولێر و دەوروبەری، لەلایەن بەڕێوەبەرایەتیی راگەیاندن و چاپ و بڵاوکردنەوەی هەولێر، سەر بە وەزارەتی رۆشنبیری و لاوانی حکومەتی هەرێمی کوردستان چاپ و بڵاوکراوەتەوە.