بە بەشداری شێوکارانی هەرێمی کوردستان و عێراق، پێشانگەی هاوبەشی “ئاوێتەبوون” لە هەولێر کرایەوە.
پێشانگەکە رۆژی یەکشەممە بە ئامادەبوونی، ئومێد خۆشناو، پارێزگاری هەولێر و فەرهەنگ غەفوور، بەڕێوەبەری گشتی رۆشنبیری و هونەر، لە گەلەرى میدیا کرایەوە.
لە پێشانگەکەدا 14 شێوەکار بەشداربوون و بەرهەمەکانیان خستەڕوو، بەشێک لە هونەرمەندە بەشداربووەکان، لە تاراوگە دەژین و بەشێکیشیان لە ژیاندا نەماون و بەرهەمەکانیان خرانەڕوو، لەوانەش محەممەد عارف، شێوەکاری کورد.
لە پێشانگەکەدا کۆمەڵێک کاری هونەریی جۆراوجۆر و مۆدێرن نمایشکران، گوزارشتیان لە فرەچەشنی و ئاوێتەبوونی نێوان رێباز و شێوازە هونەرییە جیاوازەکان دەکرد.