ئەستێرەی جیهانی سێلینا گۆمێز، دوای سەرکەوتنی گەورەی براندە جوانکارییەکەی “Rare Beauty”، یەکەم بۆنی تایبەت بە هەمان ناو خستە بازاڕەوە.
سێلینا لە راگەیاندنی بۆنەکەدا گوتی: “ماوەیەکی زۆر چاوەڕێی ئەم ساتە بووم. ئەم بۆنە گوزارشتە لە چیرۆکی کەسایەتیی من، لە هێز و لەو ساتانەی بەسەر ئاستەنگەکاندا زاڵ بووم.”
بۆنەکە تێکەڵەیەکە لە بۆنی گەرمی کەرەمێل و فستق لەگەڵ تیژیی زەنجەفیل و بیبەری پەمەیی، لەسەر بنەمایەکی نەرمی دار سندوس و ڤانێلا دروستکراوە.
شووشەکەی بە دیزاینێکی سادە و جوان داڕێژراوە و لە 7ـی ئابەوە بە فەرمی لە بازاڕەکاندا بەردەست دەبێت. بەکارهێنەرانی ئەپی Sephora دەتوانن رۆژێک زووتر دەستیان پێی بگات.