ئەمرۆ دووشەممە ئومێد خۆشناو، پارێزگارى هەولێر، لەدیوانى پارێزگا، پێشوازیی لە هونەرمەندى پەیکەرتاشى کورد فوئاد عەلى کرد.
لە دیدارەکەدا، کە فەرهەنگ غەفور، بەڕێوەبەرى گشتیى رۆشنبیرى و هونەرى هەولێر ئامادەى بوو، دواى ئەوەى هونەرمەند کورتەیەکى لەبارەى کارە هونەرییەکانى باسکرد، گفتوگۆ لە بارەى چۆنیەتى پێشخستن و گهشهپێدانى هونهرى پەیکەرتاشى و شێوەکارى بەشێوەیەکى بەگشتیى كرا و جهخت لە پێویستى بایهخدان زیاتر به داهێنانى هونهری لە هەرێمى كوردستان كرایهوه.
پارێزگارى هەولێر، وێڕاى دەستخۆشى لە هونەرمەند بۆ کارە هونەرییەکانى، هیواى سەرکەوتنى بۆ خواست و ئامادەیی هەر هاوکارى و هەماهەنگی و ئاسانکارییەکى بۆ سەرخستنى کارە هونەرییەکانی نیشاندا.
فوئاد عەلى، لە 1951 لە شاری هەولێر لەدایک بووە، ساڵی 1974 رووى کردووەتە وڵاتى ئیتاڵیا و لە ئەکادیمیای هونەرە جوانەکانى رۆما خوێندوویەتى، ماوەى 50 ساڵە لە وڵاتە دەژى، تائێستا لە کارى پەیکەرسازی و هونەری گرافیکدا بەردەوامە و کارە هونەرییەکانیشى بە کەرەستەی جۆراوجۆرن، لەوانە مەڕمەڕ، گڕانایت و گڵی ئاگرینی فرەڕەنگ، هەروەها وێنەکێشانی میدیای تێکەڵاو لەسەر کاغەز.