دوای نزیکەی 30 ساڵ لە سەرکەوتنە گەورەکەیان لە فیلمی “Good Will Hunting” (1997)، دوو ئەستێرەی نزیک لە یەک، بێن ئەفلێک و مات دەیمن، جارێکی دیکە لە فیلمێکی نوێی جۆری وروژێنەردا بە ناوی “The Rip” پێکەوە کاردەکەن، کە لەسەر پلاتفۆرمی نێتفلیکس نمایش دەکرێت.
فیلمەکە لە دەرهێنانی جۆ کارناهانە و باس لە گروپێک ئەفسەری دژە ماددە هۆشبەرەکان لە مایامی دەکات کە ملیۆنان دۆلاری شاردراوە دەدۆزنەوە، ئەمەش دەبێتە هۆی تێکچوونی متمانە و دروستبوونی ناکۆکی لە نێوانیاندا.
ئەفلێک و دەیمن، کە لە تەمەنی هەرزەکارییەوە هاوڕێن و پێکەوە خەڵاتی ئۆسکاریان بۆ باشترین سیناریۆ بۆ فیلمی “Good Will Hunting” بردەوە، لەم فیلمەدا رۆڵی دوو کارەکتەری ئاڵۆز دەگێڕن.
مات دەیمن لە چاوپێکەوتنێکدا دەڵێت: “شێتایەتییە ئەگەر سوود لەوە وەرنەگرین کە هێشتا لێرەین و دەتوانین ئەم کارە بکەین.” لە بەرامبەردا، بێن ئەفلێک ستایشی توانای نواندنی دەیمن دەکات و دەڵێت: “زۆر قورسە هەست بکەیت مات نواندن دەکات، چونکە زۆر راستگۆ و واقیعییە.”
فیلمی “The Rip” لە رۆژی 16ی کانوونی دووەمی 2026 لەسەر نێتفلیکس نمایش دەکرێت.