بەیانیی رۆژی پێنجشەممە، 18-09-2025، بە ئامادەبوونی ئومێد خۆشناو، پارێزگاری هەولێر، و ژمارەیەک لە بەرپرسانی حکومی و پزیشک و نووسەران، یەکەمین کۆنفرانسی ساڵانەی “پزیشک و نووسین” بەڕێوەچوو.
کۆنفرانسەکە لەلایەن رێکخراوی “پاک”ەوە سازکرابوو بە مەبەستی کۆکردنەوە و هاندانی ئەو پزیشکانەی کە بەهرەیان لە بواری نووسینی زانستی، ئەدەبی و پزیشکیدا هەیە.
لە میانی کۆنفرانسەکەدا، پارێزگاری هەولێر خەڵاتی رێزلێنانی بەخشییە سێ کەسایەتیی دیاری بواری نووسین. هەروەها دەستخۆشی لە رێکخراوی پاک کرد و هەنگاوەکەی بە “هەوڵێکی خەمخۆرانە بۆ گەیاندنی پەیامی مرۆڤایەتیانەی پزیشکان بە شێوەیەکی سادە” وەسف کرد.