گۆرانیبێژی جیهانی، پۆست مالۆن، ڕووبەڕووی سکاڵایەکی یاسایی بووەتەوە، شۆفێرێکی لیمۆزین بە ناوی لاری دیوێل، لە یەکێک لە ڤیدیۆ کلیپەکانی گۆرانی “Tommy Lee”ی پۆست مالۆن و تایلایاویه دەرکەوتبوو، باس لەوە دەکات کە دەکات کە پارەی بەشداریکردنەکەی پێنەدراوە.
دیوێل دەڵێت، ئەو قەرەبووە داراییەی پێنەدراوە کە شایەنی بووە لە بەرامبەر دەرکەوتنی لە ڤیدیۆکەدا. بەپێی بەڵگەنامە یاساییەکان کە ڕۆژنامەی “دەیلی مەیڵ” دەستی کەوتووە، دیوێل داوای قەرەبووی سەرەتایی “کەمتر نەبێت لە ٢.٥ ملیۆن دۆلار”، قەرەبووی سزایی “کەمتر نەبێت لە ٧.٥ ملیۆن دۆلار” و کرێی پارێزەر “کەمتر نەبێت لە ٢٥ هەزار دۆلار” دەکات.
سکاڵاکە ئاشکرای دەکات، دیوێل مامۆستای قوتابخانەی ئامادەیی بووە و هاوکات وەک شۆفێری لیمۆزین کاری کردووە لە کاتی وێنەگرتنی ڤیدیۆ کلیپەکەدا.
دیوێل چەندین جار لە ڤیدیۆکەدا دەرکەوتووە کە لە تەنیشت ئۆتۆمبێلی لیمۆزینەکەوە وەستاوە لە کاتێکدا ئەو گۆرانیبێژە گۆرانی دەڵێت و سەما دەکات.