لە ئاهەنگی کۆتایی ٤٦ـەمین خولی فێستیڤاڵی نێودەوڵەتیی فیلمی قاهیرە، فیلمی “The Things You Kill” لە دەرهێنانی عەلی رەزا خاتەمی، خەڵاتی یەکێتیی نێودەوڵەتیی ڕەخنەگرانی “FIPRESCI”ـی بەدەستهێنا.
فیلمەکە بەرهەمی هاوبەشی تورکیا، کەنەدا، فەرەنسا و پۆڵەندایە و چیرۆکێکی دەروونی قوڵ دەگێڕێتەوە لەبارەی مامۆستایەکی زانکۆ کە ڕووبەڕووی نهێنییە خێزانییەکان دەبێتەوە.
لە مەراسیمەکەدا ژمارەیەکی زۆر لە هونەرمەندانی دیاری میسر و عەرەب ئامادەبوون، لەوانە حسێن فەهمی، ئیلهام شاهین، مەحموود حەمیدە و خالید نەبەوی. هەروەها فێستیڤاڵەکە ئەمساڵ پێشوازییەکی گەرمی جەماوەریی لێکرا و بلیتی زۆربەی فیلمەکان پێشوەختە فرۆشران.