خانمە گۆرانیبێژی کورد، سەنا بەرزنجە، نوێترین بەرهەمی هونەریی خۆی بەناوی “سەراب” بەشێوەی ڤیدیۆکلیپ بڵاوکردەوە.
ئەم بەرهەمە نوێیە لە کەناڵی تایبەتیی هونەرمەند لە یوتیوب بڵاوکراوەتەوە. سەنا بەرزنجە هاوکات لەگەڵ بڵاوکردنەوەی بەرهەمەکە، لە هەژمارە فەرمییەکانی خۆی لە تۆڕە کۆمەڵایەتییەکان پرسیارێکی ئاراستەی هەوادارانی کردووە و نووسیوویەتی: “کێ سەرابی تۆیە؟”.
تێکستی گۆرانییەکە لەلایەن باز نووسراوە و ئاوازەکەی لەلایەن مۆژین دانراوە. هەروەها کاری دابەشکردن و میکسی میوزیکەکەی لەلایەن موعین حەبیبی ئەنجامدراوە.
ڤیدیۆکلیپەکە لەلایەن ئیڤن ستیڤن کاری دەرهێنانی بۆ کراوە.
سەنا بەرزنجە بە یەکێک لە دەنگە دیارەکانی نەوەی نوێ دادەنرێت و بەرهەمەکانی لە تۆڕە کۆمەڵایەتییەکان بینەرێکی زۆریان هەیە.