فیلمی “Wicked: For Good” لە بەرهەمهێنانی کۆمپانیای یونێڤێرساڵ پیکچەرز، توانی داهاتێکی گەورە تۆمار بکات و کۆی داهاتەکەی لە بۆکس ئۆفیسی جیهانیدا گەیشتە 467 ملیۆن و 962 هەزار دۆلار.
لەو بڕە، زیاتر لە 312 ملیۆن دۆلاری لە نێوخۆی ئەمریکا و نزیکەی 155 ملیۆن دۆلاری لە سینەماکانی دیکەی جیهان بەدەستهێناوە. فیلمەکە لەلایەن ڕەخنەگرانەوە پێشوازییەکی گەرمی لێکراوە؛ گۆڤارەکانی وەک “Variety” و “Vanity Fair” ستایشی کۆتاییە کاریگەرەکەی فیلمەکە و نواندنی ئەکتەران (سینتیا ئێریڤۆ و ئاریانا گراندێ)یان کردووە.
چیرۆکی فیلمەکە باس لە پەیوەندیی نێوان “ئێلفابا”ی پێست سەوز و “گلێندا”ی کچە بەناوبانگ دەکات لە زانکۆی شیز لە خاکی ئۆز، کە چۆن هاوڕێیەتییەکەیان دەگۆڕێت.