خانمە گۆرانیبێژی لوبنانی، ئەلیسا، گەیشتنی کۆی گوێگرتنەکانی لە ئەلبووم و گۆرانییەکانی لەسەر پلاتفۆرمی “ئەنگامی” بۆ یەک ملیار جار ڕاگەیاند.
ئەلیسا لە هەژماری خۆی لە تۆڕی کۆمەڵایەتی (X) سوپاسی هەوادارانی کرد و ئەمەی بە دەستکەوتێکی گەورە لە کاروانی هونەرییدا ناوبرد.
هاوکات لەگەڵ ئەم سەرکەوتنە، بڕیارە ئەلیسا ڕۆژی یەکشەممە ٢٨ی کانوونی یەکەم، لە تونس و لەسەر شانۆی “قوبە رادێس” کۆنسێرتێکی گەورە ئەنجام بدات.
ئەمە یەکەم دەرکەوتنی ئەلیسایە لە تونس دوای دابڕانێکی شەش ساڵە، کە هەوادارانی بە پەرۆشەوە چاوەڕێی دەکەن.