فیلمی درامای “Hamnet” کە یەکێکە لە بەربژێرە سەرەکییەکان بۆ خەڵاتی ئۆسکار، کۆی داهاتەکانی لە ئەمریکا گەیشتە ١٧.٤ ملیۆن دۆلار.
ئەم فیلمە باس لە چیرۆکی ژیانی هاوسەری ویلیام شکسپیر و تراژیدیای لەدەستدانی کوڕە ١١ ساڵانەکەیان دەکات.
ئەکتەری ناودار جێسی باکڵی، کە ڕۆڵی “ئەگنیس” (هاوسەری شکسپیر) دەگێڕێت، لە لێدوانێکیدا دوای بردنەوەی خەڵاتی (Critics Choice) ڕایگەیاند کە ئەم ڕۆڵە کاریگەرییەکی قووڵی لەسەر دروست کردووە.
باکڵی ئاماژەی بەوە کرد کە لە کاتی وێنەگرتنی فیلمەکەدا هێشتا نەببووە دایک، بەڵام حەزێکی زۆری بۆ دایکانە هەبووە. ئەو گوتی: “دایکان مرۆڤی سەرسوڕهێنەرن و شەرەفێکی گەورە بوو کە دەنگم دایە کەسایەتی ئەگنیس”.
جێسی باکڵی لە ساڵی ٢٠٢٥ بووە دایک و ئێستا خاوەنی کچێکی تەمەن شەش مانگانەیە، ئەم ئەزموونە تایبەتییەش وای کردووە ڕۆڵەکەی لە فیلمی “Hamnet”دا بە ڕاستگۆیییەکی زیاترەوە دەربکەوێت.