دوای تێپەڕبوونی 20 ساڵ بەسەر یەکەمین بەشی فیلمی ناوداری “The Devil Wears Prada”، هەوادارانی سینەما چاوەڕێی بەشی دووەمی ئەم بەرهەمە دەکەن کە بڕیارە لە 5ی ئایاری 2026 نمایش بکرێت.
لەم بەشە نوێیەدا، مێریل ستریپ دەگەڕێتەوە بۆ ڕۆڵی “میراندا پڕیستلی” و ڕووبەڕووی ئالنگاری نوێ دەبێتەوە لە دنیایەکی گۆڕاو، تێیدا ڕۆژنامەگەری کاغەز ڕووی لە کەمبوونەوەیە.
چیرۆکەکە ململانێی میراندا نیشان دەدات لەگەڵ یاریدەدەرە کۆنەکەی “ئیمیلی بڵانت” کە ئێستا بووەتە بەرپرسێکی باڵا و میراندا پێویستی بەو پارەیە هەیە کە کۆمپانیاکەی ئیمیلی بۆ ڕیکلام تەرخانی دەکات.
ئەکتەرانی وەک ئان هاساوای و ستانلی توچی دەگەڕێنەوە، هەروەها چەندین ئەستێرەی نوێ وەک لیدی گاگا و لوسی لیو پەیوەندییان بە تیمی فیلمەکەوە کردووە.
دەرهێنەر دەیڤید فرانکل و نووسەر ئالین برۆش مەکینا سەرپەرشتی ئەم بەشە نوێیە دەکەن بۆ ئەوەی هەمان سەرکەوتنی بەشی یەکەم دووبارە بکەنەوە کە ٣٢٦ ملیۆن دۆلاری کۆکردبووەوە.