سەرەڕای ئەوەی گرێبەستە بەکۆمەڵەکانیان تا ساڵی 2026 بەردەوامە، بەڵام دەنگۆی هەڵوەشاندنەوەی گرووپی “BLACKPINK” دووبارە بڵاو بووەتەوە.
ئەم دەنگۆیانە دوای ئەوە هاتن کە هەژمارێک لە پلاتفۆرمی “X” بانگەشەی کرد کۆمپانیای YG کۆتاییهاتنی چالاکییەکانی گرووپەکەی ڕاگەیاندووە.
تا ئێستا کۆمپانیاکە هیچ ڕاگەیەندراوێکی فەرمی بۆ پشتڕاستکردنەوەی ئەم هەواڵە بڵاو نەکردووەتەوە.
ئەندامانی گرووپەکە تەنیا گرێبەستی کارە بەکۆمەڵەکانیان نوێ کردووەتەوە، بەڵام بۆ کارە تاکەکەسییەکانیان بە شێوەیەکی سەربەخۆ کار دەکەن.
لیزا ئامادەکاری بۆ نمایشێکی تایبەت لە لاس ڤیگاس لە تشرینی دووەمی 2026 دەکات، جەیسۆش بەردەوام سەرقاڵی کاری نواندنە.
چالاکییە تاکەکەسییە چڕەکانی ئەندامەکان وای کردووە هەواداران گومان لە داهاتووی گرووپەکە بکەن، بەڵام بەپێی زانیارییە فەرمییەکان، بلاکپینک تا کۆتایی ساڵی 2026 وەک گرووپێک دەمێننەوە.