جەنگاوەری بەناوبانگ جۆن ڕامبۆ بە سەرکێشییەکی نوێ و جیاواز لە زنجیرە فیلمەکانی “Rambo” دەگەڕێتەوە، کە بۆ یەکەمجار لە ساڵی 1982 دەستی پێکرد. ئەم بەرهەمە نوێیە وەک فیلمێکی پێشوەختە (Prequel) دادەنرێت و باس لە ڕووداوەکانی پێش زنجیرە ڕەسەنەکە دەکات.
بەپێی ڕاپۆرتێکی ڕۆژنامەی ڤارایتی، کۆمپانیای Lionsgate بە فەرمی ڕایگەیاند، ڕێکەوتی 4ی حوزەیرانی 2027 وەک کاتی نمایشکردنی فیلمەکە دیاریکراوە.
بڕیار وایە فیلمی نوێی ڕامبۆ پێش فیلمی “Star Wars: The Sylvester” نمایش بکرێت، هەروەها چەند هەفتەیەک پێش فیلمی “Spider-Man: Beyond the Spider-Verse” دەبێت کە بەرهەمی سۆنییە و لە 11ی حوزەیران دەردەچێت، لەگەڵ فیلمی “Oceans”ی کۆمپانیای وارنەر برۆز کە لە 25ی حوزەیران نمایش دەکرێت.
فیلمی چاوەڕوانکراوی “John Rambo” باس لە قۆناغەکانی پێش فیلمی “First Blood”ی ساڵی 1982 دەکات کە سیڵڤێستەر ستالۆن ڕۆڵی سەرەکی تێدا گێڕا و بووە هۆی دروستبوونی زنجیرە فیلمەکانی دیکە وەک “Rambo: First Blood Part II” لە ساڵی 1985 و “Rambo III” لە ساڵی 1988 و دواتریش “Rambo: Last Blood” لە ساڵی 2019.
ڕووداوەکانی ئەم زنجیرەیە لەبارەی سەربازێکی پێشووی هێزە تایبەتەکانی سوپای ئەمریکایە، کە بە قووڵی کاریگەر بووە بە ئەزموونی جەنگی ڤێتنام، بەڵام ئەم جەنگە بەردەوام لێهاتوویی سەربازی بێوێنەی پێ بەخشیوە. ئەم توانایانەی خۆی بۆ شەڕکردن دژی ئەفسەرە گەندەڵەکان، هێزەکانی دوژمن و تاقمەکانی ماددەی هۆشبەر بەکاردەهێنێت.
ئێستا هەوادارانی ئەم جۆرە فیلمانە چاوەڕوانی ئەوە دەکەن بزانن ئەم بەرهەمە چۆن دەتوانێت ڕابردووی ئەم جەنگاوەرە تێکشکاوە نیشان بدات، کە تەنیا بە دوای دادپەروەریدا دەگەڕێت.