رۆژی چوارشەممە ١٧ی ٦ی ٢٠٢٦، لە چالاكییە بەردەوامەکانی بەڕێوەبەرایەتی سینەما و شانۆی هەولێر سەر بە بەڕێوەبەرایەتی گشتی رۆشنبیری و هونەر هەولێر، لەم وەرزی هاوینەدا و لە چوارچێوەی پڕۆژەی “سینەما و جەماوەر”، فیلمی سینەمایی “هەڵۆکانی جەنگ” لە دەرهێنانی کاروان ئاوات نمایش کرا.
لە نمایشەكەدا ژمارەیەكی بەرچاو لە بینەرانی فیلمی كوردی ئامادەی بینینی فیلمەکە بوون و دوای نمایشەکەش خەڵاتی رێزلێنان لە لایەن شاخەوان مستەفا، بەڕێوەبەری سـینەما و شـانۆی هەلێر بەخشرایە دەرهێنەری فیلمەکە.
بەڕێوەبەرایەتی سینەما و شانۆی هەولێر هەموو چوارشەممەیەک فیلمێکی سینەمایی کوردی یاخود بیانی نمایش دەكات و لەو رێگەیەوە سینەماكارانی كورد و هەوادارانی فیلم ئاشنای نوێترین بەرهەمی سینەمایی دەكات.