بەهۆی ئەو شەڕ و ئاڵۆزیەی لە سووریا هەیە عێراق هەموو سنوورەکانی لەگەڵ ئەم وڵاتە داخستووە و ئەگەری ئەوەش لەئارادایە جوڵەی بازرگانییش ڕابگیرێت. لەم دۆخەشدا رۆژانە سێ ملیۆن دۆلار زیان بە هەردوو وڵات دەگات.
بەپێی داتاکانی ئەنجومەنی کاری عێراقی- سووری، قەبارەی ئاڵوگۆڕی بازرگانیی نیوان عێراق و سووریا لە ملیارێک دۆلاری ئەمەریکایی زیاترە.
لە دوێنێوە سنوورەکانی نێوان عێراق و سووریا داخراون. هەرچەندە جوڵەی بازرگانیی وەکو خۆی بەردەوامە، بەڵام چاوەروان دەکرێت به هۆی فراوانبوونی ئاڵۆزییەکان جوڵەی بازرگانیی نیوان ئەم دوو وڵاتەش رابگیرێت.
