نرخى نەوت لە بازاڕەکانى جیهان بە 82 دۆلار مامەڵەى پێوەدەکرێت، بەراورد بە رۆژى پێشتر نرخی نەوتی خاوی برێنت و تەکساس دابەزینێکى کەمیان تۆمار کردوە.
بەیانی ئەمڕۆ چوارشەممە، لە بازاڕەکانى جیهان، نرخى بەرمیلێک نەوتى خاوى برێنت بە 82 دۆلار و 41 سەنت مامەڵەى پێوەدەکرێت و بەراورد بە رۆژى پێش خۆى نرخەکەى 7 سەنت دابەزیوە.
هەروەها، نرخى بەرمیلێک نەوتى تەکساسى ئەمەریکیش بە 78 دۆلار و 5 سەنت مامەڵەى پێوەدەکرێت، بەراورد بە رۆژی پێشتر نرخەکەی شەش سەنت دابەزیوە.
رێکخراوى ئۆپیک و هاوپەیمانەکانى بە سەرۆکایەتیی روسیا کە بە ئۆپیک پڵەس ناسراون، رێککەوتن لەسەر کەمکردنەوەى تێکڕاى 2.2 ملیۆن بەرمیل نەوتى رۆژانە و سعودیەش بەشێوەیەکى خۆبەخشانە رازیبو لەسەر کەمکردنەوەى بەرهەمهێنانى نەوت لە وڵاتەکەى، بەڵام ئەمەش نەبوەتەهۆی بەرزبونەوەى نرخى نەوت لە جیهاندا.