لیژنەی دارایی لە ئەنجومەنی نوێنەرانی عێراق جەختی کردەوە کە مووچەی فەرمانبەران پارێزراوە، هەروەها ناردنی پڕۆژەیاسای بودجە بەستراوەتەوە بە پێکهێنانی حکومەتی نوێ. لیژنەکە ئاماژەی بەوەش کرد کە عێراق مانگانە پێویستی بە زیاتر لە ٧ تریلیۆن دینار هەیە بۆ دابینکردنی مووچە.
عەدی عەواد، ئەندامی لیژنەی دارایی ڕایگەیاند: “بانکی ناوەندی بەپێی یاسای داشکانی یەدەگ (الخصم الاحتياطي) بەڵێنی داوە پارەی پێویست بۆ مووچەی فەرمانبەران دابین بکات و پارەکە پارێزراوە”. ئاماژەی بەوەش کرد کە “کە حکومەت پێکهێنرا، پڕۆژەیاسای بودجەی ٢٠٢٦ ڕەوانەی پەرلەمان دەکرێت”. هەروەها وتیشی کە دەسەڵاتی قەرزکردن هەیە بۆ کەمکردنەوەی قەیرانەکان، بەتایبەت کە هێشتا دیار نییە گەرووی هورمز دەکرێتەوە یان نا.
هەواڵی پێشوو