پێستی مرۆڤ لە وشکبونەوە دەپارێزێت، جەستەش شێدار دەکاتەوە و چالاکی دەکات و بەهۆی مەگنسیۆمەکەی ناوی بەرگری لەش بەهێز دەکات، ئەگەر ناوکەکەی بخۆی بۆ لەناوبردنی کۆلستڕۆڵی زیانبەخش بەسوودە و بەهۆی ئاوە زۆرەکەی ناوی کالۆری کەم تێدایە بۆ دابەزاندنی کێش بەکەڵکە، زانایان سەلماندویانە خواردنی شووتی بەشێوەیەکی هاوسەنگ و بەردەوام لەنەخۆشییەکانی وەک دڵ و شێرپەنجە و کۆڵستڕۆڵ و فشاری خوێن دەمانپارێزێت.
بۆ ماسولکە و چاو
ئاوی شوتی لەدوای وەرزش زۆر کاریگەرە، چونکە وادەکات ئەو ئارەقەیەی لەکاتی ماندوێتیدا دەرتداوە، قەرەبووی بکاتەوە، بەهۆی بۆنی مادەی سیترۆلین لەناویدا وادەکات ئۆکسیدی نیتریک بەرهەم بێت و وەزیفەی ماسولکەکان چالاک دەکات و فشاری خوێنیش رێکدەخات، دژەئۆکسانەکان لەناو شووتیدا وادەکەن تۆڕی بینینی چاو لە دڕان و تێکچوون بپارێزێت و بگرە ئەوانەی هەر لەمنداڵییەوە شوتی دەخۆن بەپیریش چاویان هەرساغە، هەروەها بەهۆی ئەو مادە کۆلاجینەی ناوی وادەکات بەرگری لەش بەهێزبێت و ئەندامەکان لە نەخۆشی بپارێزن، هەروەها مادەی پۆلیفینۆلیشی تێدایە کە بەکتریای بەسوود دروست دەکات، بەمەش هەرسکردنی خۆراک بۆ گەدە ئاسان دەبێت.