باسم غورابی ئەندامی لیژنەی تەندروستی و ژینگەی پەرلەمان داوای پێکهێنانی لیژنەیەکی هاوبەشی کردووە بۆ ئەوەی نەخۆشانی شێرپەنجە پارەی چاودێری کۆمەڵایەتی وەربگرن.
غورابی گوتیشی: “لیژنەکە لەسەر ئەم بابەتە قسەی لەگەڵ وەزارەت کردووە و نامەیەکی فەرمی بۆ وەزیری کاروکاروباری کۆمەڵایەتی نێردراوە و ئەویش ڕەزامەندی دەربڕیوە بۆ سەرژمێری کردنی تەواوی نەخۆشانی شێرپەنجە بە ئامانجی بڕینەوەی هاوکاری چاودێری کۆمەڵایەتی.”
ئاماژەی بەوەش کرد، “پێویستە وەزارەتەکانی تەندروستی و کار لیژنەیەکی هاوبەش پێکبهێنن بۆ تەواوکردنی ئامارە پێویستەکان، دەشڵێ: ڕاپۆرتی پزیشکی پێویست بەردەستە و دەتوانرێت بە خێرایی و ڕاستەوخۆ ئامارەکان کۆبکرێتەوە.”
“نەبوونی ئاماری ورد بۆ تووشبووانی شێرپەنجە کێشەیەکی گەورەیە و دیاریکردنی قەبارەی ئەو مەترسییەی ڕووبەڕووی وڵات دەبێتەوە قورستر دەکات” و ڕوونیشی کردەوە، “لیژنەکە ئەنجوومەنی شێرپەنجە لە وەزارەتی تەندروستی زیاد دەکات بۆ خێراکردنی کۆکردنەوەی ئامارەکان لە ناوچە جیاوازەکان.”
غورابی نیگەرانی خۆی دەربڕی سەبارەت بە بەرزی ڕێژەی نەخۆشییەکانی شێرپەنجە لە هەندێک پارێزگا بەتایبەتی ئەو پارێزگایانەی نەوت بەرهەم دەهێنن بەهۆی پیسبوونی ژینگە و هەوا و خاک و ئاو” و جەختی لەوە کردەوە کە ئەم پێوەرە مەترسیدارانە پێویستیان بە کردارە.
ئا:ج
هەواڵی پێشوو